Яке аз омилҳои асосии рушди ҷомеаи инсонӣ баъд аз саломатии комил, омӯхтани дониш аст. Илму дониш – сарчашмаи муваффақиятҳо, асоси комёбиҳо ва калиди хушбахтиҳост.
Ҳамасола дар макотибҳои олии ҷумҳур барои натиҷагирӣ аз дониши панҷсола имтиҳонити давлатии аттестатсионӣ оғоз мегардад.
Дар ташкилоти ибтидоии Аҳмади Дониш, ки сарварии онро Дӯсматова Шаҳло Валиевна ба ӯҳда доранд, дар соли хониши 2017- 2018 зиёда аз 190 нафар донишҷӯён шӯъбаи ғоибонаи факултети забони русиро ба итмом мерасонанд.
Барои рушди маориф ва илми Ҷумҳурии Тоҷикистон мутахассисони баландихтисос заруранд. Танҳо мутахассисони соҳиб- дониш ва соҳибмаллака метавонанд насли наврасро дар рӯҳияи хештаншиноси, ватанпарварӣ, созандагиву ободкорӣ таълиму тарбия диҳанд. Танҳо чунин мутахассисон метавонанд ҷавонони миллатро, ки ояндаи он башумор меоянд, забономӯзу забондон ба воя расонанд.
Маврид ба қайд аст, ки донишҷӯёни хатмкунанда айни ҳол рисолаҳои дипломии хешро дар мавзӯҳои мухталиф дифоъ намуда, ба баҳоҳои арзандаи аъзои Комиссияи аттестатсияи давлатӣ сазовор гардида истодаанд.
Умед дорем, Тоҷикистони азиз дар таъмини мутахассисони баландихтисос,ки барои омӯзиши забони байналмилалӣ- забони русӣ, забони муоширати байни миллатҳои гуногун, ниёз пайдо нахоҳад кард.
