Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Наим Маликисломов 4-уми марти соли 2016 бо омӯзгорони мактаби таҳсилоти миёнаи умумии №29-и шаҳри Хуҷанд ҷиҳати иҷрои ҳадафҳои Барномаи ҲХДТ дар самти соҳаи маориф, ташвиқу тарғиби ғояҳои созандаи ҳизб, фаҳмондадиҳии дастовардҳои замони истиқлолият, ва дигар масъалаҳои дохилиҳизбӣ вохӯрӣ доир намуд. Раиси кумиҷроия дар баромади худ таъкид кард, ки Ҳизби Халқии Демократии Тоҷикистон барои дар амал тадбиқ намудани барномаҳои мақсадноки роҳбарияти олии мамлакат, дар соҳаҳои илм, маориф ва фарҳанг ҳамеша ҷидду ҷаҳд менамояд. Дар ҳамин маврид аз омӯзгорони дабистони мазкур даъват ба амал оварда шуд, ки ҷиҳати амалӣ гардидани чунин ҳадафҳои созандаи ҲХДТ камари ҳиммат баста, барои рушди минбаъдаи соҳаи маориф саҳми назарраси худро гузоранд. Дар охир аз тарафи раиси кумиҷроия ба 7 нафар омӯзгорони фаъол, ки барои дохил шудан ба узвияти ҲХДТ ариза пешниҳод карда буданд, шаҳодатномаҳои ҳизбӣ супорида шуд.
